ముగిసిన 'పదేళ్ల గడువు'.. టాప్‌ ర్యాంకర్లయినా సరే.. వారికి తెలంగాణలో సీట్లు రావు..!

తెలంగాణ ఎంసెట్ ఫలితాల్లో మంచి ర్యాంకులు సాధించిన ఏపీ విద్యార్థులకు ఇది చేదు వార్త. కొత్త నిబంధనల ప్రకారం వారికి కన్వీనర్ కోటాలోని 15 శాతం సీట్లు దక్కే అవకాశం లేదు. విభజన చట్టం పదేళ్ల గడువు ముగియడంతో తెలంగాణ ప్రభుత్వం ఈ నిర్ణయం తీసుకుంది. స్థానికులకు 85 శాతం సీట్లు కేటాయిస్తుండగా.. మిగిలిన 15 శాతం స్థానికేతర కోటా సీట్లు తెలంగాణ మూలాలున్న వారికే దక్కనున్నాయి. దీంతో ఏపీ విద్యార్థుల ఆశలు గల్లంతయ్యాయి.