మూడు రోజుల పాటు రాష్ట్రంలో వర్షాలు.. నేడు ఆ జిల్లాలకు భారీ వర్షసూచన

నైరుతి రుతుపవనాల సీజన్‌లో వర్షాలు కురిసి చల్లంగా ఉంటుంది. కానీ, ప్రస్తుతం పరిస్థితులు అందుకు భిన్నంగా ఉన్నాయి. అనుకున్నస్థాయిలో వర్షాలు కురవడం లేదు. ద్రోణులు, ఆవర్తనాల ప్రభావంతోనే అడపాదడపా వానలు పడుతున్నాయి. ఈ ఏడాది తుఫాన్లు రావడం లేదు. ఈ కారణంగా గాలిలో తేమ అలాగే ఉండిపోయి ఉక్కబోత తప్పడం లేదు. అయితే, రాష్ట్రంలో ద్రోణి, ఆవర్తన ప్రభావంతో కొన్ని ప్రాంతాల్లో మూడు రోజుల పాటు మోస్తరు నుంచి భారీ వర్షాలు కురుస్తాయి.