ఏపీ హోంశాఖ మంత్రి వంగలపూడి అనిత, మాజీ మంత్రి అంబటి రాంబాబు మధ్య ఎక్స్ వేదికగా ట్వీట్ల యుద్ధం జరుగుతోంది. మంగళవారం మీడియాతో మాట్లాడిన అంబటి రాంబాబు.. హోంమంత్రి కేవలం మైకుల ముందు మాత్రమే మంత్రి అంటూ ఎద్దేవా చేశారు. ఈ నేపథ్యంలో అంబటి వ్యాఖ్యలకు అనిత కౌంటర్ ఇచ్చారు. తాను మైకుల ముందు మాత్రమే మంత్రిని కాదని.. మక్కెలిరగ్గొట్టించే మంత్రినంటూ ఎక్స్ వేదికగా ట్వీట్ చేశారు. అయితే ఈ ట్వీట్కు కౌంటరిచ్చిన అంబటి.. అనిత సెల్ఫ్ సర్టిఫికేట్ తనకు అవసరం లేదని.. కావాలంటే పవన్ కళ్యాణ్కు చెప్పాలంటూ సెటైర్లు వేశారు.