మొన్న అలా.. ఈ రోజు ఇలా.. జగన్ ఫ్లెక్సీలో అల్లు అర్జున్

మాజీ సీఎం వైఎస్ జగన్ మోహన్ రెడ్డి పుట్టినరోజు వేడుకలను వైసీపీ శ్రేణులు ఘనంగా జరుపుకుంటున్నాయి. రాష్ట్రవ్యాప్తంగా ఫ్లెక్సీలు, కటౌట్లు ఏర్పాటు చేసి సెలబ్రేట్ చేసుకుంటున్నాయి. అయితే ఎన్టీఆర్ జిల్లా నందిగామలో ఏర్పాటు చేసిన ఓ ఫ్లెక్సీ మాత్రం ఇప్పుడు సోషల్ మీడియాలో వైరల్ అవుతోంది. వైఎస్ జగన్, అల్లు అర్జున్ ఫోటోలతో ఫ్లెక్సీ ఏర్పాటు చేశారు. అలాగే రాజు బలవంతుడైతే శత్రువులు అందరూ ఏకమవుతారంటూ కొటేషన్ ఇచ్చారు. దీనిపై ఇప్పుడు నెట్టింట చర్చ జరుగుతోంది.