మోపిదేవి సుబ్రహ్మణ్యేశ్వరుడికి విలువైన కానుక.. రూ.35 లక్షల నాగాభరణం సమర్పించిన భక్తుడు

కృష్ణా జిల్లా మోపిదేవిలోని శ్రీ సుబ్రహ్మణ్యేశ్వరస్వామి ఆలయానికి రూ.35 లక్షల విలువైన 220 గ్రాముల బంగారంతో తయారు చేసిన నాగాభరణాన్ని భక్తులు సమర్పించారు. ఘంటసాల మండలం కొడాలికి చెందిన తుమ్మల లక్ష్మీసుజాత, ఆమె కుమారులు శ్రీనివాసకిరణ్‌, శివతరుణ్‌ కలిసి ఈ ఆభరణాన్ని తయారు చేయించారు. హైదరాబాద్‌ మాదాపూర్‌లో నివసిస్తున్న దాతలు ఆలయానికి వచ్చి నాగాభరణాన్ని అందజేశారు. ప్రధానార్చకులు ప్రత్యేక పూజలు నిర్వహించారు. తమ కోరిక నెరవేరడంతో స్వామివారికి ఈ కానుక సమర్పించినట్లు లక్ష్మీసుజాత తెలిపారు.