రాజీవ్ యువ వికాసం స్కీమ్.. మళ్లీ సిబిల్ స్కోర్ రూల్.. 700 దాటితేనే..!

రాజీవ్ యువ వికాసం పథకం నిరుద్యోగ యువతకు ఆర్థిక సహాయం అందించడానికి ప్రభుత్వం ప్రవేశపెట్టిన ఒక కార్యక్రమం. ఈ పథకం కింద వివిధ కార్పొరేషన్ల ద్వారా రాయితీ రుణాలు ఇవ్వబడతాయి. అయితే.. రుణాల మంజూరుకు సిబిల్ స్కోరు 700 కంటే ఎక్కువ ఉండాలని అధికారులు పేర్కొనడంతో దరఖాస్తుదారులు ఆందోళన చెందుతున్నారు. చాలా మంది దరఖాస్తుదారులు రూ. 4 లక్షల రుణం కోసం దరఖాస్తు చేసుకున్నారు. దీని వలన రుణాల పంపిణీ అధికారులకు సవాలుగా మారింది. మొదటిసారి రుణం తీసుకునే వారికి మరియు సంబంధిత వ్యాపారంలో అనుభవం ఉన్నవారికి ప్రాధాన్యం ఇవ్వనున్నారు.