రామగుండంలో అఘోరీ హల్‌చల్.. పచ్చిబూతులతో పోలీసులపై ఫైర్

గత కొన్ని రోజులుగా రెండు తెలుగు రాష్ట్రాల్లో లేడీ అఘోరి నాగసాధు హల్‌చల్ చేస్తోంది. ప్రముఖ ఆలయాలను సందర్శిస్తూ.. సంచలన కామెంట్స్ చేస్తోంది. ఈ క్రమంలో రెండ్రోజుల క్రితం వేమువాడను దర్శించుకొని పూజారిపై అనుచిత వ్యాఖ్యలు చేసింది. తాజాగా.. పెద్దపల్లి జిల్లా రామగుండం కార్పొరేషన్ ఐదో డివిజన్ మల్కాపూర్ గ్రామంలోని ఓ ఇంటికి అఘోరీ వెళ్లింది. సమాచారం తెలుసుకుని ఎన్టీపీసీ పోలీసులు అక్కడి చేరుకున్నారు. పోలీసులను చూసిన అఘోరి పచ్చిబూతులతో వారిపై రెచ్చిపోయింది. దీంతో అఘోరీని అదుపులోకి తీసుకున్న పోలీసులు స్టేషన్‌కు తరలించారు.