రీజినల్ రింగ్ రోడ్డు నిర్మాణంలో పురోగతి.. కేంద్రం కీలక ముందడుగు.. 2 ఏళ్లలో పూర్తయ్యేలా..!

రేవంత్ రెడ్డి సర్కార్ ప్రతిష్టాత్మకంగా తీసుకున్న రీజినల్ రింగు రోడ్డు ప్రాజెక్టులో కీలక ముందడుగు పడింది. ఈ ప్రాజెక్టు నిర్మాణానికి సంబంధించి ఉత్తర భాగానికి కేంద్ర ప్రభుత్వం టెండర్లను ఆహ్వానించింది. నాలుగు లైన్లు ఎక్స్‌ప్రెస్ మార్గానికి కేంద్రం టెండర్లను పిలిచింది. ఉత్తర భాగంలో మొత్తం 161.5 కిలోమీటర్ల పొడవు రోడ్డును నిర్మించనున్నారు. అయితే.. కేవలం 2 ఏళ్లలో రోడ్డు నిర్మాణం పూర్తి చేయాలని కేంద్ర నిబంధన కూడా పెట్టింది. కేంద్రం టెండర్ల పిలుపుతో ప్రాజెక్టులో కీలక పురోగతి సాధించినట్టయింది.