రీల్స్‌లో అలా, రియల్‌గా ఇలా.. డింపుల్ కిలేడీ లీలలు చూశారా?

సోషల్ మీడియా రీల్స్‌లో పద్ధతిగా కనిపిస్తూ.. వెనుక హనీట్రాప్ దందాలకు పాల్పడుతున్న కరీంనగర్ కిలాడీ దంపతుల బాగోతం బట్టబయలైంది. ఇన్ స్టాగ్రామ్‌లో సంప్రదాయ దుస్తుల్లో కనిపిస్తూ, గొప్ప డైలాగులతో అమాయక వ్యాపారవేత్తలను ఆకర్షించడం వీరి శైలి. తమ వలలో పడిన వారిని ఇంటికి పిలిచి, బెడ్‌రూమ్‌లో రహస్య కెమెరాలతో న్యూడ్ వీడియోలు చిత్రీకరించేవారు. ఆపై ఆ వీడియోలతో బ్లాక్‌మెయిల్ చేస్తూ లక్షలాది రూపాయలు వసూలు చేశారు. పరువుకు భయపడి చాలామంది మౌనంగా ఉన్నా.. ఒక బాధితుడి ఫిర్యాదుతో ఈ దంపతుల నిజస్వరూపం బయటపడింది. బయటకి పద్ధతిగా కనిపించే వీరి వెనుక ఉన్న నేరపూరిత కోణం అందరినీ విస్తుగొలిపింది.