రూ. లక్షలు విలువ చేసే మద్యం రోడ్డుపాలు.. అయ్యోపాపం!

తిరుపతి జిల్లాలో జరిగిన రోడ్డుప్రమాదంలో లక్షల విలువజేసే మద్యం రోడ్డుపాలైంది. లిక్కర్ లోడ్‌తో వెళ్తున్న బొలెరో వాహనం, ఆర్టీసీ బస్సు ఢీకొన్నాయి. అనంతరం బొలెరో బోల్తాపడింది. ఈ ఘటనలో ఓ వ్యక్తికి గాయాలయ్యాయి. అయితే ప్రమాదంలో వాహనంలోని లిక్కర్ బాటిళ్లు రోడ్డుపై చెల్లాచెదురుగా పడిపోయాయి. అటుగా వెళ్తున్న వాహనదారులు కొన్నింటిని ఎత్తుకెళ్లారు. ఈ ప్రమాదంలో పదిలక్షలు విలువజేసే మద్యం బాటిళ్లు పగిలిపోయినట్లు యజమాని వాపోతున్నారు. పోలీసులు కేసు నమోదు చేసుకుని దర్యాప్తు జరుపుతున్నారు.