రేవంత్ రెడ్డి సర్కార్ సరికొత్త రికార్డు.. ఏడాదిలోనే రూ.830 కోట్ల సీఎం రిలీఫ్ ఫండ్..!

తెలంగాణలో కాంగ్రెస్ ప్రభుత్వం సరికొత్త రికార్డు నెలకొల్పింది. అధికారం చేపట్టిన ఏడాదిలోనే.. ఏకంగా రూ.830 కోట్ల సీఎం రిలీఫ్ ఫండ్ విడుదల చేసింది. రాష్ట్రంలో లక్షా 66 వేల కుటుంబాలకు ఈ సీఎంఆర్ఎఫ్‌ ద్వారా సాయం చేసినట్టు సీఎంవో ప్రకటించింది. గత ప్రభుత్వం 5 ఏళ్లలో మొత్తం రూ.2400 కోట్లు సీఎంఆర్ఎఫ్ ద్వారా విడుదల చేయగా.. రేవంత్ రెడ్డి సర్కారులో కేవలం ఒక్క ఏడాదిలోనే రూ.830 కోట్లు విడుదల చేయటం గమనార్హమని సీఎంవో తెలిపింది.