రైలు ప్రయాణికులకు అలర్ట్.. రేపటి నుంచి ఆ రైళ్లు రద్దు.. గమనించకుంటే ఇబ్బందే..

రైలు ప్రయాణికులకు అలర్ట్.. డబ్లింగ్ పనుల కారణంగా దక్షిణ మధ్య రైల్వే కొన్ని రైళ్లను రద్దు చేసింది. మరికొన్నింటిని దారి మళ్లించారు. గుంతకల్లు రైల్వే డివిజన్ పరిధిలో జరుగుతున్న డబ్లింగ్ పనుల కారణంగా డోన్ మీదుగా వెళ్లే కొన్ని రైళ్లను రద్దు చేశారు. అలాగే మరికొన్నింటిని దారి మళ్లించారు. గుంటూరు డోన్ రైలును పదిరోజుల పాటు రద్దు చేశారు. అలాగే పూరి యశ్వంతపూర్, హౌరా యశ్వంతపూర్ రైళ్లను కూడా దారి మళ్లించారు. ఈ విషయాన్ని ప్రయాణికులు గమనించాలని రైల్వే అధికారులు కోరుతున్నారు.