రోజుకు 2.5 లీటర్ల పాలిచ్చే మేక.. ఇది ఉంటే రైతులకు డబుల్ ఆదాయం, ధర ఎంతంటే..?

హైదరాబాద్‌లోని చార్మినార్ వద్ద ఖదీర్ అనే వ్యక్తి అరుదైన బీటల్ జాతి మేకను పెంచుతున్నారు. ఈ మేకలు రోజుకు 2.5 లీటర్ల వరకు పాలు ఇస్తాయి. పాకిస్థాన్‌ ప్రాంతానికి చెందినవైనప్పటికీ.. ఇవి పంజాబ్, హర్యానాలో విస్తృతంగా లభిస్తాయి. పొడవైన చెవులు, కాఫీ రంగు చర్మం, బలమైన రోగనిరోధక శక్తి వీటి ప్రత్యేకతలు. 'జాతీయ లైవ్‌స్టాక్ మిషన్' కింద ప్రభుత్వ రాయితీలు అందుబాటులో ఉన్నాయి. ఒక్కో మేక రూ.15-60 వేల వరకు ధర పలికే ఈ మేకల పెంపకం రైతులకు లాభదాయకమైన వ్యాపారంగా మారింది.