వందేభారత్ రైలు ఢీకొని 20 ఏళ్ల యువ నర్స్ మృతి.. మౌలాలి రైల్వే స్టేషన్‌లో తీవ్రవిషాదం

మౌలాలి రైల్వే స్టేషన్‌లో విషాదం చోటుచేసుకుంది. వందేభారత్ రైలు ఢీకొట్టడంతో 20 ఏళ్ల నర్సు ప్రాణాలు కోల్పోయింది. స్టేషన్‌లో రైలు దిగిన తర్వాత నుంచి ప్లాట్‌ఫామ్ మారేందుకు పట్టాలు దాటుతుండగా వందేభారత్ ఎక్స్‌ప్రెస్ ఢీకొట్టింది. ఈ ఘటనలో ఆ యువ నర్సు తీవ్ర గాయాలతో అక్కడికక్కడే మృతి చెందింది. కళ్ల ముందే కుమార్తెను కోల్పోవడంతో తల్లిదండ్రులు కన్నీరుమున్నీరుగా విలపించారు. ఈ ఘటనపై రైల్వే పోలీసులు కేసు నమోదు చేసి దర్యాప్తు చేస్తున్నారు.