విజయనగరం జిల్లాలో ఘోర రోడ్డు ప్రమాదం.. నలుగురు మృతి, మరొకరికి తీవ్ర గాయాలు

Vizianagaram Accident: విజయనగరం జిల్లాలో ఘరో రోడ్డు ప్రమాదం చోటుచేసుకుంది. భోగాపురం మండలం పోలిపల్లి వద్ద లారీ-కారు ఢీకొన్నాయి. ఈ ఘటనలో అక్కడికక్కడే నలుగురు చనిపోగా.. లారీ డ్రైవర్ తీవ్రంగా గాయపడ్డాడు. శ్రీకాకుళం నుంచి విశాఖ వైపు వెళుతున్న కారు అదుపుతప్పింది.. కారు డివైడర్ మీదుగా పల్టీ కొట్టి పక్కరోడ్డుపైకి దూసుకెళ్లింది. అటుగా వస్తున్న లారీ ఢీ కొట్టడంతో ఘటన జరిగింది. ఈ ప్రమాదంతో రహదారిపై రాకపోకలకు అంతరాయం ఏర్పడటంతో ట్రాఫిక్ స్తభించింది. అనంతరం పోలీసులు ట్రాఫిక్‌ను క్రమబద్దీకరించారు.