విజయవాడ వరదల్లోనే ప్రసవించిన మహిళ.. స్వయంగా రంగంలోకి దిగిన సీపీ

భారీ వర్షాలు, వరదలు విజయవాడ నగరాన్ని ముంచేశాయి. అనేక కాలనీలు వరదనీటిలోనే మునిగిపోయాయి. బాధితులు ఇళ్లల్లో ఉండలేక బయటికి వెళ్లలేక సహాయం కోసం ఎదురు చూస్తున్నారు. ఈ క్రమంలోనే తాజాగా నిండు గర్భిణీ.. వరదల వేళ ప్రసవించింది. ఆమెను తరలించేలోపే బిడ్డకు జన్మనిచ్చింది. ఈ విషయం తెలుసుకున్న విజయవాడ సీపీ.. స్వయంగా బోటులో వెళ్లి తల్లీబిడ్డను బయటికి తీసుకువచ్చారు. ప్రస్తుతం తల్లీబిడ్డ పరిస్థితి క్షేమంగా ఉండటంతో అంతా ఊపిరి పీల్చుకున్నారు.