వితంతు పింఛన్లపై ప్రభుత్వం కీలక నిర్ణయం.. భరోసా ఇచ్చినట్టే..

వితంతు పింఛన్లకు సంబంధించి ఆంధ్రప్రదేశ్ ప్రభుత్వం కీలక నిర్ణయం తీసుకుంది. భర్తను కోల్పోయిన భార్యకు వెంటనే వితంతు పింఛన్ మంజూరు చేసేలా నిర్ణయం తీసుకుంది. ఈ మేరకు అధికారులకు ఆదేశాలు కూడా జారీ చేసినట్లు సమాచారం. నెలలో మొదటి 15 రోజులలోపు మరణం సంభవిస్తే.. వెంటనే పింఛన్ మంజూరు చేయాలని.. చివరి 15 రోజులలో మరణం సంభవిస్తే మరుసటి నెలలో పింఛన్లు ఇవ్వాలని నిర్ణయించింది. అలాగే మూడు నెలల పింఛన్లు ఒకేసారి ఇచ్చేలా నిర్ణయం తీసుకున్నట్లు సమాచారం. దీనిపై ప్రజల నుంచి హర్షం వ్యక్తమవుతోంది.