విశాఖ ఎయిర్‌పోర్టులో కొత్త సేవలు.. ఇక ఆ ఇబ్బందులు తప్పినట్లే..

ఉత్తరాంధ్ర వాసులకు శుభవార్త. విశాఖ ఎయిర్ పోర్టులో కేంద్రం నూతన సేవలు అందుబాటులోకి తెచ్చింది. డిజి యాత్ర సేవలను ప్రారంభించింది. కేంద్ర మంత్రి కింజరాపు రామ్మోహన్ నాయుడు విశాఖపట్నం ఎయిర్ పోర్టు సహా దేశంలోని 9 విమానాశ్రయాల్లో ఈ డిజి యాత్ర సేవలను శుక్రవారం ప్రారంభించారు. 2022లో ఈ సేవలు ప్రారంభం కాగా ఇప్పటి వరకూ 3 కోట్ల మంది విమాన ప్రయాణికులు ఉపయోగించుకున్నట్లు మంత్రి వెల్లడించారు. అలాగే ఏపీలో కొత్త ఎయిర్ పోర్టులను నిర్మిస్తామని తెలిపారు.