విశాఖ రైల్వే జోన్‌పై కీలక అప్‌డేట్.. భూమి పూజ ఎప్పుడో చెప్పిన కేంద్ర మంత్రి

ఏపీకి కేంద్రం శుభవార్త వినిపించింది. విశాఖపట్నం రైల్వే జోన్ నిర్మాణానికి సంబంధించి కీలక అప్ డేట్ ఇచ్చింది. విశాఖ రైల్వే జోన్‌కు త్వరలోనే భూమిపూజ చేస్తామని కేంద్ర పౌరవిమానయాన శాఖ మంత్రి కింజరాపు రామ్మోహన్ నాయుడు ప్రకటించారు. దసరా తర్వాత మంచి రోజు చూసుకుని ప్రధానమంత్రి చేతుల మీదుగా రైల్వే జోన్‌కు భూమి పూజ చేయిస్తామన్నారు. విశాఖపట్నం దుర్గ్ వందే భారత్ ఎక్స్‌ప్రెస్ రైలును ప్రారంభించిన రామ్మోహన్ నాయుడు.. అనంతరం మీడియాతో మాట్లాడుతూ ఈ వ్యాఖ్యలు చేశారు.