విశాఖ రైల్వేస్టేషన్‌లో నోట్ల కట్టల వ్యవహారం.. వెనుక పెద్ద ప్లానే..

విశాఖ రైల్వేస్టేషన్‌లో భారీగా నకిలీ నోట్లు లభ్యమైన సంగతి తెలిసిందే. పోలీసుల తనిఖీలలో ఇద్దరు యువకుల వద్ద రూ.3.32 లక్షల విలువైన దొంగనోట్లు లభ్యమయ్యాయి. దీంతో ఇద్దరు యువకులను అదుపులోకి తీసుకున్న పోలీసులు.. ఈ విషయంపై విచారణ జరిపారు. ఈ సందర్భంగా పలు కీలక విషయాలు వెలుగులోకి వచ్చాయి. సంక్రాంతి కోడిపందేల వద్ద నకిలీ నోట్లను చెలామణి చేసి పెద్ద ఎత్తున సొమ్ము చేసుకోవాలనే ఆశతో ప్లాన్ చేసినట్లు తెలిసింది. అయితే ప్లా్న్ ఫలించకపోవటంతో విశాఖలో ఓ వ్యక్తికి ఇచ్చేందుకు వచ్చి పోలీసులకు చిక్కిపోయారు ఇద్దరు యువకులు .