వీడు మామూలోడు కాదు.. మాటలతో మాయ.. చేతలతో కనికట్టు..

ఏటీఎం కేంద్రాల వద్ద కార్డులు మార్చి దొంగతనాలకు పాల్పడుతున్న ఓ కేటుగాడిని విజయవాడ పోలీసులు అరెస్ట్ చేశారు. కృష్ణలంక పోలీస్ స్టేషన్ పరిధిలో జరిగిన ఓ మోసంపై కేసు నమోదు కాగా.. ఈ కేసును దర్యాప్తు చేసిన పోలీసులు.. సాంకేతిక ఆధారాల సాయంతో చోరీ చేస్తున్న వ్యక్తిని విజయవాడ బస్టాండ్ సమీపంలో అరెస్ట్ చేశారు. అతని వద్ద నుంచి 78 కార్డులు, 2 లక్షల రూపాయల నగదు స్వాధీనం చేసుకున్నారు. నిందితుడిపై ఇప్పటి వరకూ రెండు తెలుగు రాష్ట్రాలలో 25కి పైగా కేసులు నమోదైనట్లు తెలిపారు.