వేగంగా ఎలివేటెడ్ కారిడార్‌ పనులు.. ట్రాఫిక్‌ కష్టాలకు చెక్‌, దూసుకెళ్లిపోవచ్చు

సికింద్రాబాద్ ప్యారడైజ్ నుండి డెయిరీ ఫాం వరకు ఎలివేటెడ్ కారిడార్ పనులు వేగంగా సాగుతున్నాయి. ఇప్పటికే 20 పిల్లర్ల నిర్మాణం పూర్తి కాగా.. బేగంపేట్ ఎయిర్‌పోర్టు వద్ద 600 మీటర్ల సొరంగ మార్గానికి అధికారులు సిద్ధమవుతున్నారు. రూ.1,478 కోట్లతో చేపట్టిన ఈ ప్రాజెక్టు వల్ల గంట ప్రయాణ సమయం 15 నిమిషాలకు తగ్గనుంది. రక్షణ శాఖ భూముల సేకరణ పూర్తి కాగానే శామీర్‌పేట్ కారిడార్ పనులు కూడా ఊపందుకోనున్నాయి. ఇవి అందుబాటులోకి వస్తే ఉత్తర తెలంగాణకు వెళ్లే వాహనదారులకు ట్రాఫిక్ కష్టాలు తొలిగిపోనున్నాయి.