వేటగాళ్ల క్రూరత్వానికి మూగజీవాలు బలి.. మందుగుండు నమిలి మూడు గేదెలకు తీవ్ర గాయాలు

మంచిర్యాల జిల్లా బాదంపల్లిలో వేటగాళ్లు అమర్చిన మందుగుండు పదార్థాలు తిని మూడు గేదెలు తీవ్రంగా గాయపడ్డాయి. గోదావరి తీరంలో మేత మేస్తున్న సమయంలో అడవి పందుల కోసం వేసిన నాటు బాంబులను నమలడంతో అవి నోట్లోనే పేలాయి. ఈ ఘటనలో పశువుల దవడలు పూర్తిగా ఛిద్రమై ప్రాణాపాయ స్థితికి చేరుకున్నాయి. పోలీసులు ఘటనా స్థలం నుంచి మరో 15 పేలుడు పదార్థాలను స్వాధీనం చేసుకుని.. వేటగాళ్ల కోసం గాలింపు చర్యలు చేపట్టారు.