వైఎస్ జగన్ ఇంటికెళ్లి ఒంటిమిట్ట అర్చకుల వేదాశీర్వచనం.. టీటీడీ ఆగ్రహం, షోకాజ్ నోటీసులు జారీ

మాజీ సీఎం వైఎస్ జగన్ ఇంటికెళ్లిన ఒంటిమిట్ట అర్చకులపై టీటీడీ తీవ్ర ఆగ్రహం వ్యక్తం చేసింది. నిబంధనలను అతిక్రమించి.. జగన్ మోహన్ రెడ్డి ఇంటికి వెళ్లి.. ఆయనకు వేదాశీర్వచనం అందించారని సీరియస్ అయింది. ఈ నేపథ్యంలోనే ముగ్గురు అర్చకులకు నోటీసులు జారీ చేసింది. ఎలాంటి ముందస్తు అనుమతులు లేకుండానే.. రాజకీయ నేతలను కలిసినందుకు గానూ.. వారికి నోటీసులు ఇచ్చినట్లు తెలుస్తోంది. ఈ వ్యవహారం ఇప్పుడు తీవ్ర దుమారం రేపుతోంది.