వైసీపీ మాజీ ఎంపీ నందిగం సురేష్ అరెస్ట్.. హైదరాబాద్ నుంచి మంగళగిరికి తరలింపు!

Nandigam Suresh Arrested In Hyderabad: బాపట్ల మాజీ ఎంపీ, వైఎస్సార్‌సీపీ నేత నందిగం సురేష్‌ను పోలీసులు అరెస్ట్ చేశారు. బుధవారం అర్ధరాత్రి దాటిన తర్వాత హైదరాబాద్‌లో అరెస్టు చేశారు. డీఎస్పీ మల్లికార్జునరావు నేతృత్వంలోని పోలీసుల టీమ్ సురేష్‌ను మియాపూర్‌లో ఉండగా అదుపులోకి తీసుకున్నారు. ఆయనతోపాటు అనుచరుల వద్ద ఉన్న ఫోన్లను స్వాధీనం చేసుకున్నారు. వారిని ఏపీకి తరలిస్తున్నారు. మంగళగిరిలోని టీడీపీ కేంద్ర కార్యాలయంపై దాడి ఘటనలో కేసులో ఆయన్ను అరెస్ట్ చేశారు. ఈ కేసులో సురేష్ ముందస్తు బెయిల్ పిటిషన్‌ను ఏపీ హైకోర్టు కొట్టివేసిన సంగతి తెలిసిందే.