వైసీపీకి విజయసాయిరెడ్డి రాజీనామా.. జగన్‌కు లేఖ.. 2029లో ఆయనే సీఎం కావాలంటూ ట్వీట్..

Vijayasai Reddy Resigns to YSRCP: మాజీ ఎంపీ విజయసాయిరెడ్డి వైసీపీకి రాజీనామా చేశారు. ప్రత్యక్ష రాజకీయాలకు దూరంగా ఉంటానంటూ ఇటీవల ప్రకటించిన విజయసాయిరెడ్డి.. ఆ తర్వాత రాజ్యసభ సభ్యత్వానికి రాజీనామా చేశారు. ఈ రాజీనామాకు రాజ్యసభ ఛైర్మన్ సైతం ఆమోదం తెలిపారు. తాజాగా వైసీపీ ప్రాథమిక సభ్యత్వానికి, పార్టీ పదవులకు విజయసాయిరెడ్డి రాజీనామా చేశారు. ఈ విషయాన్ని ఎక్స్ వేదికగా వెల్లడించారు. అలాగే ఈ ట్వీట్లో 2029 ఎన్నికలు, ముఖ్యమంత్రి ప్రస్తావన తెచ్చారు విజయసాయిరెడ్డి. శత్రుత్వం, అపార్థాలకు తావు లేకుండా వ్యవసాయం చేసుకుంటానని మరోసారి పేర్కొన్నారు.