వైసీపీపై మాజీ మంత్రి బాలినేని సంచలన వ్యాఖ్యలు.. ఆ అసంతృప్తే కారణమా?

వైఎస్సార్ కాంగ్రెస్ పార్టీ సీనియర్ నేత, మాజీ మంత్రి బాలినేని శ్రీనివాసరెడ్డి సంచలన వ్యాఖ్యలు చేశారు. ఎన్నికలు ముగిసినప్పటి నుంచి తాను వైసీపీకి దూరంగా ఉంటున్నానని తెలిపారు. అలాగే ఈవీఎంలపై తన పోరాటంలో వైసీపీ తనను పట్టించుకోవడం లేదని బాలినేని ఆరోపించారు. ఏమైనా చెప్పాలనుకుంటే పార్టీలో వినేవారే లేరంటూ కీలక వ్యాఖ్యలు చేశారు. అయితే పార్టీలో పట్టించుకున్నా లేకున్నా.. ప్రజల తరుఫున తన పోరాటం కొనసాగుతుందని బాలినేని శ్రీనివాసరెడ్డి స్పష్టం చేశారు.