శ్రీవారి దర్శనం మరింత వేగంగా.. తిరిగి పట్టాలెక్కనున్న ప్రాజెక్టు.. టీటీడీ ఛైర్మన్ వెల్లడి

తిరుమల శ్రీవారి భక్తులకు టీటీడీ ఛైర్మన్ బీఆర్ నాయుడు శుభవార్త వినిపించారు. ఏఐ సాయంతో తిరుమల శ్రీవారి దర్శనం రెండు గంటల్లోగా కల్పించాలని టీటీడీ గతంలో సంకల్పించిన సంగతి తెలిసిందే. అయితే ఆ ప్రాజెక్టు ఆ తర్వాత ఆగిపోయింది. ఈ క్రమంలోనే టీటీడీ ఛైర్మన్ బీఆర్ నాయుడు కీలక ప్రకటన చేశారు. టీటీడీ నూతన ఈవో అనిల్ కుమార్ సింఘాల్ ఆధ్వర్యంలో ఆ ప్రాజెక్టును మళ్లీ ప్రారంభిస్తామని తెలిపారు. టీటీడీ ఛైర్మన్‌గా ఏడాది పూర్తైన నేపథ్యంలో.. ఈ ఏడాది కాలంలో తీసుకున్న నిర్ణయాలను టీటీడీ చైర్మన్ బీఆర్ నాయుడు వివరించారు.