శ్రీవారి భక్తులకు అలర్ట్.. ఆ రోజు ఆర్జిత సేవలు రద్దు

కలియుగ ప్రత్యక్ష దైవం తిరుమలకు వెళ్లేవారికి ముఖ్య గమనిక. ఈ నెలలో ఆ ఒక్కరోజు ఆర్జిత సేవలు రద్దు చేశారు. ఈ విషయాన్ని టీటీడీ ప్రకటించింది. అక్టోబర్ 31న తిరుమల శ్రీవారి ఆలయంలో దీపావళి ఆస్థానం జరగనుంది. ఈ నేపథ్యంలో ఆ రోజున ఆర్జిత సేవలను రద్దు చేసినట్లు తిరుమల తిరుపతి దేవస్థానం ఓ ప్రకటన విడుదల చేసింది. భక్తులు ఈ విషయాన్ని గమనించాలని సూచించింది . మరోవైపు కార్తీక మాసం నేపథ్యంలో తిరుపతిలోని కపిలేశ్వర స్వామి ఆలయంలో ప్రత్యేక అభిషేకాలు నిర్వహించనున్నారు.