శ్రీశైలం: ఆ సమస్యకు శాశ్వతంగా ఫుల్ స్టాప్ పెట్టేలా.. చంద్రబాబు కీలక ఆదేశాలు

కార్తీకమాసం కావటంతో శ్రీశైలానికి భక్తులు పోటెత్తుతున్నారు. దీంతో భారీగా రద్దీ నెలకొంటోంది. సొంత వాహనాల్లో ఎక్కువమంది వస్తుండటంతో శ్రీశైలం ఘాట్ రోడ్లలో ట్రాఫిక్ జామ్ అవుతోంది. ఆదివారం సాయంత్రం ఏకంగా ఐదు కిలోమీటర్ల వరకూ వాహనాలు బారులు తీరిన సంగతి తెలిసిందే. ఈ నేపథ్యంలో శ్రీశైలం ఘాట్ రోడ్లలో ట్రాఫిక్ జామ్ సమస్యకు శాశ్వత పరిష్కారం చూపేందుకు సీఎం నారా చంద్రబాబు నాయుడు ప్రయత్నిస్తున్నారు. ట్రాఫిక్ జామ్‌పై అధికారులతో మాట్లాడిన చంద్రబాబు.. సమస్యను శాశ్వతంగా పరిష్కరించేందుకు అధ్యయనం జరపాలని ఆదేశించారు.