శ్రీశైలం: మల్లన్న భక్తులకు గమనిక.. సంక్రాంతి బ్రహ్మోత్సవాలకు సర్వం సిద్ధం

శ్రీశైలంలో సంక్రాంతి బ్రహ్మోత్సవాలకు సర్వం సిద్ధమైంది. జనవరి 11 నుంచి శ్రీశైలంలో సంక్రాంతి బ్రహ్మోత్సవాలు ప్రారంభమవుతాయి. జనవరి 17 వరకూ ఏడు రోజుల పాటు బ్రహ్మోత్సవాలు జరుగుతాయి. ఉత్సవాల కోసం శ్రీశైలం దేవస్థానం పకడ్బందీ ఏర్పాట్లు చేస్తోంది. ఉత్సవాల్లో భాగంగా జనవరి 14న శ్రీశైలంలో కళ్యాణోత్సవం నిర్వహిస్తారు. మరోవైపు శ్రీశైలంలో సంక్రాంతి, మహాశివరాత్రి సందర్భంగా ఏటా రెండుసార్లు బ్రహ్మోత్సవాలు జరపడం ఆనవాయితీగా వస్తోంది. ఈ సమయంలో శ్రీశైలం భక్తజనసంద్రంగా మారనుంది.