సంక్రాంతికి ఊరెళ్లేవారికి రైల్వే గుడ్ న్యూస్.. త్వరపడండి..

సంక్రాంతికి ఊరెళ్లేవారికి దక్షిణ మధ్య రైల్వే గుడ్ న్యూస్ చెప్పింది. హైదరాబాద్ నుంచి ప్రత్యేక రైళ్లు ఏర్పాటు చేసింది, కాచిగూడ, హైదరాబాద్ నుంచి కాకినాడ టౌన్‌కు ప్రత్యేక రైళ్లు నడుపుతోంది. జనవరి 9,10,11,12 తేదీల్లో ఈ ప్రత్యేక రైళ్లు అందుబాటులో ఉంటాయి. ఈ ప్రత్యేక రైళ్లలో టికెట్ బుకింగ్ కోసం రిజర్వేషన్లు జనవరి రెండు నుంచి ప్రారంభం కానున్నాయి. ఉదయం 8 గంటలకు రిజర్వేషన్ సదుపాయం అందుబాటులోకి వస్తుందని దక్షిణ మధ్య రైల్వే ఓ ప్రకటనలో తెలిపింది. రైలు ప్రయాణికులకు ఈ అవకాశాన్ని ఉపయోగించుకోవాలని సూచించింది.