సింహాచలం ఘటన: స్నేహితుల్ని వెంటాడిన మృత్యువు.. లైఫ్‌లో సక్సెస్ చూస్తున్న సమయంలో

అక్షయ తృతీయ నాడు సింహాద్రి అప్పన్న దర్శనానికి వెళ్లిన కోనసీమకు చెందిన ఇద్దరు యువకులు గోడ కూలిన ఘటనలో దుర్మరణం చెందారు. విశాఖలో ఇంటీరియర్ డిజైనర్‌గా పనిచేస్తున్న దుర్గా స్వామి నాయుడు, ఫార్మా కంపెనీలో సూపర్వైజర్‌గా పనిచేస్తున్న మణికంఠ ఈ ప్రమాదంలో మృతి చెందడంతో వారి కుటుంబాల్లో విషాదం నెలకొంది. వారి మృతికి సంతాపం తెలుపుతూ, కుటుంబ సభ్యులు నష్టపరిహారం కోసం ఆందోళన చేస్తున్నారు. చేతికి అంది వచ్చిన కొడుకులు అర్థాంతరంగా కన్ను మూయడంతో.. కన్న వారి కడుపుకోతను వర్ణించడానికి మాటలు లేవు.