సీఎం రేవంత్ రెడ్డికి కుమారి ఆంటీ పూజలు.. మరీ ఇంత అభిమానమా..?

కుమారి ఆంటీ మరోసారి వార్తల్లో నిలిచారు. తన ఇంట్లోని పూజ గదిలో ముఖ్యమంత్రి రేవంత్ రెడ్డి ఫోటో పెట్టుకున్న ఆమె.. దేవుళ్లతో పాటుగా రేవంత్ రెడ్డికి కూడా పూజలు చేస్తున్న వీడియో తాజాగా సోషల్ మీడియాలో వైరల్‌గా మారింది. మాదాపూర్ దుర్గం చెరువు ప్రాంతంలో ఉన్న ఆమె ఫుడ్ స్టాల్‌ను గతంలో పోలీసులు తొలగించేందుకు ప్రయత్నించగా.. సీఎం రేవంత్ స్పందించి తొలగించవద్దని ఆదేశించారు. దీంతో రేవంత్ రెడ్డిపై ఆమె ప్రత్యేక అభిమానాన్ని పెంచుకున్నారు.