సీజ్ ద షిప్ అని కమెడియన్ అయ్యావ్.. ఎందుకయ్యా పవన్ డ్రామాలు: అంబటి రాంబాబు

2024 ఆంధ్రప్రదేశ్ ఎన్నికల్లో సాధాసాధ్యాలను పరిగణనలోకి తీసుకోకుండా నారా చంద్రబాబు నాయుడు హామీలు ఇచ్చారని వైసీపీ నేత అంబటి రాంబాబు విమర్శించారు. హామీలను అమలు చేయలేక ఇలా డైవర్షన్ పాలిటిక్స్ చేస్తున్నారని ఆరోపించారు. మొన్న తిరుమల లడ్డూలో కల్తీ అంటూ ప్రచారం చేశారని.. ఇప్పుడు కాకినాడ పోర్టు కొనుగోలు ఒప్పందాలపై హడావిడి చేస్తున్నారన్నారు. పవన్ సీజ్ ది షిప్ అంటే అది అవలేదన్న అంబటి రాంబాబు.. ఈ విషయంలో పవన్ కళ్యాణ్ కమెడియన్ అయ్యారన్నారు. షిప్‌ను సీజ్ చేసే అధికారం రాష్ట్ర పరిధిలో ఉండదన్న మాజీ మంత్రి అంబటి రాంబాబు.. సీజ్ ది షిప్ అనేది కామెడీ డైలాగ్ అంటూ ఎద్దేవా చేశారు. ఈ విషయంలో చంద్రబాబు పవన్ కళ్యాణ్‌ను ఉపయోగించుకున్నారంటూ ఆరోపించారు.