సూర్యాపేట జిల్లాలో ఘోర రోడ్డ ప్రమాదం.. లారీని ఢీకొట్టిన ప్రైవేటు ట్రావెల్స్ బస్సు

సూర్యాపేట జిల్లాలో ఘోర రోడ్డు ప్రమాదం చోటు చేసుకుంది. ఓ ప్రైవేటు ట్రావెల్స్ బస్సు లారీని వెనుక నుంచి ఢీ కొట్టింది. మునగాల మండలం మొద్దుల చెరువు వద్ద హైవే- 65పై ఈ రోడ్డు ప్రమాదం జరిగింది. విజయవాడ నుంచి హైదరాబాద్ వెళ్తున్న కంటైనర్ లారీని వెనక నుంచి ప్రైవేటు ట్రావెల్స్ బస్సు ఢీకొట్టింది. ఈ ఘటనలో పలువురికి‌ గాయాలు కాగా.. డ్రైవర్ క్యాబిన్‌లో ఇరుక్కుపోయాడు. అతికష్టం మీద అతడిని బయటకు తీసి సూర్యాపేట ఏరియా హాస్పిటల్ తరలించారు. ప్రస్తుతం అతడి ఆరోగ్యం విషమంగా ఉన్నట్లు డాక్టర్లు తెలిపారు. ప్రమాద సమయంలో బస్సులో దాదాపు 50 మంది ప్రయాణికులు ఉన్నట్లు సమాచారం.