'సెలవు'రోజు మిగిల్చిన విషాదం.. రైలు ఢీకొని ఇద్దరు కూతుళ్లతో పాటు తండ్రి మృతి

మేడ్చల్ జిల్లా గౌడవెల్లి రైల్వేస్టేషన్‌ ఘోర ప్రమాదం జరిగింది. ఈ ప్రమాదంలో ఓ తండ్రి, ఇద్దరు కూతుళ్లు మృతి చెందారు. రాఘవేంద్ర కాలనీలో నివాసముంటూ.. రైల్వే లైన్ మెన్‌గా పని చేస్తున్న కృష్ణ.. ఆదివారం సెలవు దినం కావటంతో.. తన ఇద్దరు కూతుళ్లను తనతో పాటు తీసుకెళ్లాడు. వాళ్లిద్దరినీ ట్రాక్ మీద కూర్చొమ్మని చెప్పి పనిలో నిమగ్నమయ్యాడు. ఇంతలో అదే ట్రాక్ మీదికి ట్రైన్ రావటంతో.. పిల్లల్ని కాపాడేందుకు ప్రయత్నించగా.. అతివేగంగా వచ్చిన ట్రైన్ ముగ్గురిని ఢీకొట్టింది. దీంతో.. ముగ్గురు అక్కడికక్కడే మరణించారు.