హవాలా డబ్బుకే కన్నం పెట్టిన కేటుగాళ్లు.. హైవే మీద ధూమ్ రేంజులో చోరీ.. ట్విస్ట్ మాత్రం అదుర్స్!

శ్రీసత్యసాయి జిల్లా పెనుకొండ వద్ద బెంగళూరు జాతీయ రహదారిపై సినిమా స్టైల్లో చోరీ జరిగింది. కొంతమంది వ్యక్తులు సూరత్ నుంచి బెంగళూరుకు హవాలా నగదు తరలిస్తున్నారు. ఈ విషయం తెలుసుకున్న మరికొంతమంది నాలుగు కార్లలో వచ్చి వీరిని అడ్డగించారు.కారులో ఉన్న నాలుగు కోట్ల 20 లక్షల హవాలా నగదులో మూడు కోట్లు తీసుకుని పరారయ్యారు. అయితే ఈ వ్యవహారం హైవే మీద వీరి వెనుక వస్తున్న మరో కారు డాష్ కెమెరాలో రికార్డైంది. ఆ కారు యజమాని ఇచ్చిన సమాచారంతో పోలీసులు సూరత్ వ్యక్తులను అదుపులోకి తీసుకున్నారు. కారులో దాచిన కోటీ 20 లక్షల నగదు స్వాధీనం చేసుకున్నారు. మూడు కోట్లతో పరారైన వ్యక్తుల కోసం గాలిస్తున్నారు.