హిందూ పిల్లలకు ఉర్దూ పాఠాలు.. పోలీసుల ముందే స్కూల్ ప్రిన్సిపాల్‌పై దాడి

నిజామాబాద్ జిల్లా ఆర్మూర్‌లోని భరత్ చంద్ర పాఠశాలలో శనివారం తీవ్ర ఉద్రిక్తత చోటుచేసుకుంది. స్థానిక బీజేపీ నాయకులు, విద్యార్థుల తల్లిదండ్రులు.. పాఠశాల లోపలికి దూసుకెళ్లి ప్రిన్సిపాల్‌పై దాడి చేశారు. పోలీసుల సమక్షంలోనే ఈ గొడవ జరగడం గమనార్హం. తమ పిల్లలకు ఉర్దూ పాటలు, కల్మా నేర్పుతున్నారని.. వారి పుస్తకాల్లో ఉర్దూ రాతలు ఉన్నాయని బీజేపీ నేతలు, తల్లిదండ్రులు ఆరోపించారు. స్కూల్‌కు వెళ్లి పాఠశాలలో టీచర్, కరస్పాండెట్‌పై దాడి చేశారు.