హైడ్రా కీలక నిర్ణయం.. ఇక నుంచి ప్రతీ శనివారం ప్రత్యేక కార్యక్రమం

హైదరాబాద్‌లో ఆక్రమణలపై ఉక్కుపాదం మోపుతున్న హైడ్రా.. మరో కీలక నిర్ణయం తీసుకుంది. ఇక నుంచి ప్రతీ శనివారం రోజున ఫోన్ ఇన్ కార్యక్రమం నిర్వహించనుంది. హైదరాబాద్ నగర ప్రజలు.. తమ ఫిర్యాదులు చేసేందుకు ఈ ఫోన్ ఇన్ కార్యక్రమంలో పాల్గొనాలని హైడ్రా సూచించింది. గతంలో ఇచ్చిన ఫిర్యాదులు పరిష్కారం కాకపోయినా.. ఫోన్ ఇన్‌లో ఫిర్యాదు చేయవచ్చని తేల్చి చెప్పింది. ఇప్పటికే ప్రతీ సోమవారం ప్రజావాణి కార్యక్రమాన్ని హైడ్రా చేపడుతోంది.