హైడ్రాకు థ్యాంక్స్ చెప్పిన కాలనీ వాసులు.. అసలు కారణం ఏంటంటే..

పోచారం మున్సిపాలిటీలోని దివ్యానగర్ లేఔట్ లోని 2218 మంది ప్లాట్ యజమానులు తమకు విముక్తి కల్పించినందుకు హైడ్రాకు (HYDRA) కృతజ్ఞతలు తెలుపుతూ ర్యాలీ నిర్వహించారు. నల్లమల్లారెడ్డి అనే వ్యక్తి 200 ఎకరాల లేఔట్ చుట్టూ 4 కిలోమీటర్ల భారీ ప్రహరీ గోడను నిర్మించి, ప్లాట్లలోకి వెళ్లకుండా అడ్డుగోడలు వేశాడు. ఈ ప్రహరీ కూల్చివేతతో పాటు.. రహదారుల ఆక్రమణలను తొలగించడం వల్ల అనేక కాలనీలకు అనుసంధానం మెరుగుపడింది. యజమానులు హైడ్రా కృషిని కొనియాడారు.