హైదరాబాద్ మెట్రో సెకండ్ ఫేజ్.. ట్రైన్లు అందుబాటులోకి వచ్చేది అప్పుడే..!

Hyderabad Metro Second Phase: హైదరాబాద్ మెట్రో సెకండ్ ఫేజ్ నిర్మాణం ఎప్పుడెప్పుడా అని నగరవాసులు ఆశగా ఎదురు చూస్తున్నారు. కొత్త ట్రైన్ కారిడార్లతో నగరం నలుమూలలకు మెట్రో సేవలు అందనున్నాయి. ఈ ప్రాజెక్టు డీపీఆర్‌కు రెండ్రోజుల క్రితం జరిగిన కేబినెట్ భేటీలో ఆమోద ముద్ర పడింది. డీపీఆర్, ఇతర డాక్యుమెంట్లను కేంద్ర ప్రభుత్వ ఆమోదానికి సైతం పంపించారు. అయితే కేంద్రం ఆమోదం తర్వాత మెట్రో ప్రాజెక్ట్‌ను పట్టాలెక్కించనున్నట్లు అధికార వర్గాలు వెల్లడిస్తున్నాయి.