హైదరాబాద్ రీజినల్ రింగురోడ్డు.. దక్షిణ భాగం ఎలైన్‌మెంట్‌కు ఆమోదం, ఇక తగ్గదేలే..!

హైదరాబాద్‌ను చుట్టి నిర్మిస్తున్న ప్రతిష్టాత్మక రీజినల్ రింగ్ రోడ్డు (RRR) ప్రాజెక్ట్‌లో కీలక ముందడుగు పడింది. సోమవారం జరిగిన మంత్రివర్గ సమావేశంలో దక్షిణ భాగం ఎలైన్‌మెంట్‌కు తెలంగాణ ప్రభుత్వం ఆమోదం తెలిపింది. చౌటుప్పల్ నుంచి సంగారెడ్డి వరకు 201 కిలోమీటర్ల పొడవైన ఈ మార్గం అనేక గ్రామాలు, మండలాలను కలుపుతుంది. ఇప్పటికే ఉత్తర భాగం పనులకు ఆమోదం లభించగా.. ఇప్పుడు దక్షిణ భాగానికి కూడా గ్రీన్ సిగ్నల్ రావడంతో ప్రాజెక్టు వేగం పుంజుకోనుంది.