హైదరాబాద్‌లో కొత్తగా ఎలివేటెడ్ కారిడార్.. పనులు షురూ, ఆ రూట్లో తప్పనున్న ట్రాఫిక్ తిప్పలు

హైదరాబాద్ నగరం నుంచి ఉత్తర తెలంగాణ జిల్లాలకు వెళ్లే వాహనదారులకు త్వరలో ట్రాఫిక్ కష్టాలు తీరనున్నాయి. నగరంలో రెండు ఎలివేటెడ్ కారిడార్ల నిర్మాణానికి హెచ్‌ఎండీఏ సిద్ధమైంది. సికింద్రాబాద్ ప్యారడైజ్ నుంచి బోయిన్‌పల్లి, జేబీఎస్ నుంచి శామీర్‌పేట వరకు ఈ కారిడార్లు నిర్మించనున్నారు. ప్రస్తుతం ఒక కారిడార్ పనులు ప్రారంభమయ్యాయి. వీటి ద్వారా సిద్దిపేట, కరీంనగర్, గజ్వేల్ వంటి ప్రాంతాలకు సులభంగా చేరుకోవచ్చు. ఈ ప్రాజెక్టులు పూర్తయితే ట్రాఫిక్ సమస్య గణనీయంగా తగ్గుతుంది.