హైదరాబాద్‌లో కొత్తగా మరో క్రికెట్ స్టేడియం.. వచ్చేది ఈ ఏరియాలోనే..! పూర్తి వివరాలు ఇవిగో..!

క్రికెట్‌ను అమితంగా ఇష్టపడే హైదరాబాద్‌లో మరో కొత్త స్టేడియం ఏర్పాటు కానుంది. ఏకంగా లక్ష మంది కూర్చొని మ్యాచ్‌ను తిలకించేలా అతిపెద్ద స్టేడియాన్ని నగరంలో నిర్మించనున్నారు. కొత్త స్టేడియం కోసం వంద ఎకరాల స్థలం కావాలని తెలంగాణ ప్రభుత్వాన్ని హైదరాబాద్ క్రికెట్ అసోసియేషన్ కోరుతోంది. అంతే కాదు హైదరాబాద్, రంగారెడ్డి కాకుండా రాష్ట్రంలోని 8 ఉమ్మడి జిల్లాల్లోనూ కొత్తగా మినీ స్టేడియాల నిర్మాణం పట్ల కూడా హెచ్‌సీఏ ఆసక్తి చూపుతోంది.