హైదరాబాద్‌లో నేపాలీ గ్యాంగ్ మరో ఘాతుకం.. వ్యాపారి ఇంట్లో కిలో బంగారం, వజ్రాల దోపిడీ..!

హైదరాబాద్‌ నగరంలో నేపాలీ ముఠా మరో భారీ దోపిడీకి పాల్పడింది. గచ్చిబౌలిలోని హిల్ రిడ్జ్ విల్లాలో నివాసముంటున్న ఒక ప్రముఖ వ్యాపారవేత్త ఇంట్లో సుమారు కిలో బంగారు ఆభరణాలు, విలువైన వజ్రాలను ఈ ముఠా అపహరించింది. ఇంట్లో పనిమనుషులుగా చేరిన నేపాల్‌కు చెందిన దంపతులే ఈ దొంగతనానికి పాల్పడినట్లు పోలీసులు అనుమానిస్తున్నారు. యజమాని కుటుంబం ముంబై వెళ్లిన సమయంలో వీరు ఈ ఘాతుకానికి ఒడిగట్టారు. బాధితుడి ఫిర్యాదుతో పోలీసులు కేసు నమోదు చేసి నిందితుల కోసం గాలింపు చర్యలు చేపట్టారు.