హైదరాబాద్‌లో హై క్వాలిటీ విదేశీ గంజాయి.. గ్రాము రూ.3 వేల చొప్పున విక్రయం

హైదదారాబాద్‌ రాయదుర్గంలో విదేశీ గంజాయి పట్టుబడింది. విదేశాల నుంచి ఖరీదైన గంజాయిని తెప్పించి.. నగరంలోని సాఫ్ట్‌వేర్ ఉద్యోగులకు అమ్ముతున్న వ్యక్తిని ఎక్సైజ్ టాస్క్‌ఫోర్స్ పోలీసులు అరెస్టు చేశారు. అమెరికా కాలిఫోర్నియాలోని అరోమా ప్రాంతంలో హై క్వాలిటీ ఓ జీ కుష్ గంజాయిని రహస్యంగా పండిస్తున్నారు. దాన్ని అక్కడి నుంచి బెంగళూరుకు.. ఆ తర్వాత హైదరాబాద్‌కు తరలించి విక్రయిస్తున్నారు. సాధారణ గంజాయిలో 2 నుంచి 4 శాతం THC ఉంటే.. ఈ హై క్వాలిటీ గంజాయిలో అది 25 శాతం ఉంటుంది. ఈ గంజాయిని ఒక గ్రాము రూ.3 వేల చొప్పున అమ్ముతున్నట్లు గుర్తించారు.