హైదరాబాద్ వాసులకు సర్కార్ గుడ్‌న్యూస్.. నీటి కష్టాలకు చెక్.. 2050 వరకు సూపర్ ఫ్యూచర్ ప్లాన్..!

హైదరాబాద్ వాసులకు రేవంత్ రెడ్డి సర్కార్ గుడ్ న్యూస్ వినిపించింది. నగరంలో ప్రధాన సమస్యగా ఉన్న నీటి బెడదపై దృష్టి పెట్టిన సర్కార్.. వచ్చే 25 ఏళ్ల భవిష్యత్ అవసరాలను దృష్టి పెట్టుకుని ఫ్యూచర్ ప్లాన్ సిద్ధం చేయాలని జలమండలి అధికారులను సీఎం రేవంత్ రెడ్డి ఆదేశించారు. ఈ మేరకు హైదరాబాద్‌లోని కమాండ్ కంట్రోల్ సెంటర్‌లో జలమండలి అధికారులతో సీఎం రేవంత్ రెడ్డి కీలక సమావేశం నిర్వహించారు. నగరవాసులకు మంచి నీటి అవసరాలకు సంబంధించి కీలక అంశాలపై చర్చించారు.