హైదరాబాద్-విజయవాడ హైవేపై సొంతూళ్లకు వెళ్తున్నారా..? అయితే ఇది మీకోసమే..

సంక్రాంతి పండుగ వేళ జాతీయ రహదారులపై ప్రయాణించే వారు ఎలాంటి ఆపదలో ఉన్నా వెంటనే 1033 టోల్ ఫ్రీ నంబర్‌కు కాల్ చేయాలని పోలీసులు సూచిస్తున్నారు. హైవేపై వాహనం మొరాయించినా.. ఇంధనం అయిపోయినా లేదా ప్రమాదాలు జరిగినా ఈ నంబర్‌కు ఫోన్ చేస్తే 20 నిమిషాల్లోపు పెట్రోలింగ్ బృందం సాయం అందిస్తుంది. ఇదిలా ఉండగా.. పంతంగి టోల్ ప్లాజా వద్ద ట్రాఫిక్ జామ్ కాకుండా 10 లేన్లను అందుబాటులోకి తెచ్చారు. ఫాస్ట్ ట్యాగ్ సమస్యల కోసం హ్యాండ్ స్కానర్లు, నిఘా కోసం డ్రోన్లను ఉపయోగిస్తున్నారు.