36 గంటల్లోగా భారీ వర్షాలు.. టీటీడీ ఉన్నతస్థాయి సమావేశం.. ఆ రోజు బ్రేక్ దర్శనాలు రద్దు..

ఏపీలో వచ్చే మూడురోజులు భారీ వర్షాలు కురవనున్నాయి. ఈ నేపథ్యంలో ప్రభుత్వం ఇప్పటికే అప్రమత్తమైంది. అన్ని జిల్లాల కలెక్టర్లను అలర్ట్ చేసింది. అనుకోని విపత్తు ఎదురైతే దీటుగా ఎదుర్కొనేలా ముందస్తు జాగ్రత్త చర్యలు తీసుకుంటోంది. మరోవైపు అక్టోబర్ 16న తిరుమల, తిరుపతిలో భారీ వర్షాలు కురుస్తాయని వాతావరణశాఖ హెచ్చరించింది. ఈ నేపథ్యంలో టీటీడీ కూడా ముందు జాగ్రత్త చర్యలు చేపట్టింది. అక్టోబర్ 16న వీఐపీ బ్రేక్ దర్శనాలను రద్దు చేశారు. అలాగే అక్టోబర్ 15న సిఫార్సు లేఖలను స్వీకరించమని టీటీడీ స్పష్టం చేసింది.